اللى كل اخ و صديق مسلم داخل المنتدى

الخاطى الذى احبه المسيح

الى اخى المسلم...انا مادخلتش منتدى مسلم قبل كدة و تهكمت عليهم و قعدت اغلط فى معتقداتهم و قولتلهم بعلو صوتى ..انا هعلمكم تعاليم دينكم ...لان اذا دا حصل هقل فى نظر نفسى لان دا دينهم و انا مش ربنا عشان احاكمهم ...و من تواضع لله رفعه...و لكم دينكم ولنا دين...مش دا كلامكم ولا ايه و عيب بقى نفضل نضرب فى بعض بالكلام و اخوتنا فى كل مكان فى بلاد العرب بينضربوا بالرصاص من فعلا الاعداء الحقيقيين اللى عشان يفرقوا بينا لازم يثيروا الحافظة الدينية اللى عارفين كويس انها هتقضى على كل اللى بيتكلم فيها لانهم بلا دين ولا يهمهم كلام الله ولا المحبة بين اولاد الوطن الواحد.....عزيزى ارجوك لا تقع فريسة لاهداف الصهيون و الاميركان و تفصل بيننا كأبناء وطن واحد ..و هذا بالظبط ما يريدونه...و ياريت تهتم بدينك اكتر و تتشبع بيه عشان تكتفى بيه و ماتحاولش تنبش فى اديان الاخرين ...انا عمرى ماسألت مسلم عن شىء فى دينه لانى متشبع بدينى ...لانه قوى
ماتحاولش تنسى فى يوم ان المسيحى و المسلم وقفوا ايد واحدة قدام الصهاينة فى حرب اكتوبر بل انالى عم كاد ان يموت فى حرب اكتوبر لولا صديقة المسلم اللى فداه و هذه حقيقة الرب يعاقبنى عنها اذا كنت اكذب... و برضه المسيحيين اللى استضافوا المسليمين فى الحبشة زمااااااااااااااااااان ..انا اعز اصدقائى مسلمين و الله شاهد على ذلك...عزيزى المسلم لا تنسى اننا نعيش على هذه الارض منذ مئات مئات السنين و لن نتحدث عن الاديان الا فى الآونة الاخيرة ..هل تظن انها مجرد صدفة اننا نتحدث عن شى لم نتحدث عنه منذ نشأتنا معا منذ مئات السنين...هل تلاحظ اننا لم نتحدث عن الاديان الا فى هذا العصر ...عصر عدوان الصهاينة و الامريكان...هل هذا ليس دليل دامغ و كافى لالاعيبهم كمحاولة لهدم الاسرة المصرية لانشاء حرب اهلية لانقسام مصر ..اللى طول عمرهم بيحاولوا يحصلوا عليها ...دليل اخر هل لاحظت عدوان دينى فى اى بلد اخرى عربية غير مصر ..هذا دليل انه كل دا لعب صهيونى لانهم مشهاممهم بلد غير مصر لانهم عارفين ان اقوى دولة عربية و افريقية هى مصر سياسيا و مشهيقدروا عليها عسكريا ..حاولوا يفكروا بذكاء و قالوا ان المصرى بطبعه غيور على دينه خلاص نخشلهم من هذا المنطلق و نضربهم فى بعض عشان نقسم فيما بينهم عشان البلد تضعف و نعرف نخش مصر .. و هذا هو مطمعهم طول عمرهم..دا حتى فلسطين البلد اللى محتلينها مافيهاش حكاية مسيحى و مسلم دى ...دا دليل ان اللى حاصل فى مصر فكرتهم و عرفوا ازاى يلعبوها علينا...يا ريت عزيزى و اخى اللى عايش معاه من زمااان ..يا اخى المسلم حب بلدك و خاف عليها و ماتخافش على دينك منا ...انا لو ليا صاحب مسلم بحبه بجد
مشهحب حد يتكلم عن ابوه امال لو حد اتكلم عن دينه و رسوله زى الدينمارك...هنبسط...ولا هحد ايدى فى ادين صحبى المسلم عشان اردله كرامته ...عشان هو صاحبى و يهمنى امرة و هقف جنبه ...مش هضحك عليه و اقوله تستاهل...دا حنا جران من زمان و صحاب و كلنا و شربنا مع بعض و حاربنا جنب بعض و موتنا و عيشنا مع بعض و فرحنا مع بعض فى اوقات كتير زى انتصار اكتوبر و حزنا مع بعض وقت الناكسة و غيره و غيره....ارجوك افتكر ان انت عندك اصل مشزى الصهاينة اللى مانعدهمش اصل ولا دين ...ارجوك صديقى المسلم افتكر ابن وطنك المسيحى ..و حاول تشعر بحبه ليك لانه صديقك..و ابن بلدك اللى هيمدلك ايد وقت الشدة عشان دا اللى علمهوله المسيح لما قال حب قريبك كنفسك...و احنا مانعرفش قرايب غيركم..و مشهنحب ناس غيركم لانك كريم و غيور على عرضك و ارضك...و صحبك..و دا اللى صهاينة لسة متعلمهوش بس اكيد هييجى الوقت اللى نقف ايد واحدة نعلمهم كل اللى اديانا علمتهنا...مشكدة...يا صحبى
و افتكر ان حنا ملناش غير بعض ولا امريكان هينفعونا ولا صهاينة ...وقت مصر ماتقع مشهتلاقى غير ايدى ولا هلاقى غير ايدك عشان نقف فى وشهم و نعرف نواجه العدو الحقيقى ...يبقى هات ايدك من دلوقتى احسن مانقول يا ريت اللى جرى ماكان ..لما مصر يحصلها حاجة ...
ساعتها هتعرف اننا ظلمنا مصر ..مشظلمنا بعض و بس...المسيح حب مصر و قال مبارك شعبى مصر...و دا مش من فراغ ...كما تحدث دينكم عن مصر بكل طيب ...يا ريت ماتديهمش الفرصه يضعفونا اكتر من كدة...
و تعرف ان الدين لله لكن الوطن للجميع...و الاخوات مالهمش غير بعض..و عمر الدم مايبقى مية ..مشكدة يا اخويا المسلم اللى مشهلاقى اجدع منك
فى النهاية هاقولك ...افتكر دايما ان ...الله محبه
ربنا يبارك حياتك و دينك كمسلم و ينصره امام اعدائه الحقيقين ..و ينصر بلدنا لمواطن مصرى

اشكركم باسم كل من حمل صليبه

admin

شكرا لك على المشاركة الرائعة
و طبعا ما كو فرق بين مسلم و مسيحي
و ان شاء الله تكون الناس كلها محبة و نعيش بسلام وما يصير حروب ولا مشاكل
و كما قال المسيح احبو بعضكم بعضا كما انا احببتكم
و شكرا